Një 58 vjeçar nga Korça është arrestuar nga forcat e policisë pas një konflikti me fshqinjin e tij për motive banale. Skënder Shahinasi ka tenatuar të vrasë me thikë shtetasin E.SH, 58 vjeç, i cili aktualisht gjendet në spitali nën kujdesin intensiv të mjekëve, pas plagëve të marra.
Policia njofton se në momentin e arrestimit, autorit ju gjend në dorë një sopatë.
“Specialistët e Seksionit për Krimet e Rënda, bënë kapjen dhe arrestimin në flagrancë të shtetasit Skënder Shahinasi, 58 vjeç, banues në Korçë.
Arrestimi i tij u bë pasi, dje në lagjen nr 18, në qytetin e Korçës, pas një konflikti të çastit për motive të dobëta, me shtetasin E.SH, 58 vjeç, ka tentuar ta vrasë këtë të fundit, duke e goditur disa herë, me sende të mprehta (thikë).
Shtetasi E.SH, është transportuar në Spitalin Rajonal të Korçës, ku ndodhet nën kujdesin intensiv të mjekëve.
Gjatë momentit kur autori i kësaj ngjarje, do të shoqërohej nga shërbimet e Rendit, për në Komisariatin e Policisë Korçë, në afërsi të banesës të tij, ky i fundit u gjet duke mbajtur një sopatë në dorë.
Policia sqaron se në cilësinë e provës materiale, Skënder Shahinasit, iu gjet dhe bllokua një thikë (me teh të këputur) si edhe një sopatë. Materialet i kaluan Prokurorisë të Rrethit Gjyqësor Korçë, për veprën penale: “Vrasja me dashje, e ngelur në tentativë” parashikuar nga nenet 76 e 22 të Kodit Penal. “- shkruhet ne njoftimin e policise./java/a.k
