Godet me gur në kokë dhe përdhunon policen që sapo kishte lënë turnin, arrestohet 23 vjeçari

Një ngjarje e rëndë ka ndodhur së fundmi në Itali teksa ka tronditur të gjithë opinionin publik.

Mësohet se policja u përdhunua në port, sipas medieve italiane. Emigranti fillimisht e goditi me gur në kokë. Efektivja është dërguar në spitalin Cardarelli ku ka marrë mjekim. I akuzuari u arrestua menjëherë nga kolegët e polices. Ai akuzohet për tentativë vrasjeje dhe dhunë seksuale të rëndë.

Policja tha se kishte mbaruar turnin (nga ora 19 në 24) në një komisariat të qytetit dhe teksa po ecte drejt portit ku kishte parkuar makinën në vendet e rezervuara për urdhrin e forcave , ajo e kuptoi se po ndiqej. Ajo kishte armën e shërbimit por nuk kishte kohë të mbrohej pasi sulmuesi e goditi shpejt me gur dhe më pas tentoi ta mbyste.

Identifikimi  dhe arrestimi

Ka qenë policja ajo që ka dhënë alarmin. I akuzuari për përdhunimin është një 23-vjeçar me precedentë policor i cili qëndronte në mënyrë të paligjshme në territorin kombëtar dhe u kap menjëherë pas alarmit të ngritur nga gruaja e cila mundi të siguronte një identikit të saktë./m.j