Një person është arrestuar teksa tjetri është shpallur në kërkim pasi akuzohen se kanë vjedhur me dhunë rojen e automjeteve të një firme. Policia mundi të arrestonte në flagrancë njërin prej tyre. Ai është Aleksandër Muça, 31 vjeç, banues në fshatin Shtëpanjë Cërrik.
“Arrestimi i tij, u bë pasi në bashkëpunim me një shtetas tjetër në aksin rrugor Cërrik – Gramsh, në afërsi të fshatit Banjë, dyshohen të kenë dhunuar rojen e automjeteve të një firme, shtetasin M. C, 56 vjeç, banues në Gramsh.
Shtetasit dyshohen të kenë vjedhur dy bateri në një kamion të firmës dhe më pas janë larguar me mjetin tip “Benz” me targa DK 299 KY, i cili u sekuestrua në cilësinë e provës materiale”, thuhet në njoftimin zyrtar të policisë.
Policia po punon për identifikimin dhe kapjen e autorit tjetër.
Materialet i kaluan Prokurorisë së Rrethit Gjyqësor Elbasan për veprime të mëtejshme për vepren penale ” Vjedhja me dhunë, kryer në bashkëpunim” parashikuar nga nenet 139 dhe 25 të Kodit Penal./panorama/a.k
