27-vjeçarja me inicialet M.H dhe 23-vjeçarja B.K janë dy menaxheret që u arrestuan këtë të premte, (5 gusht 2022) në kryeqytet, pasi qendra e masazhit që ato menaxhonin përdorej për prostitucion.
Së bashku me 2 të rejat në pranga ka përfunduar edhe një punonjës i qendrës, ndërsa 4 shtetas të tjerë po procedohen në gjendjë të lirë.
Sipas burimeve të OraNews, një shtetas maqedonas i cili kishte shkuar si klient në atë qendër masazhi ka telefonuar policinë pasi nuk kishte dalë i kënaqur nga shërbimi që i është ofruar.
Me të marrë telefonatën, policia e deri më tani nuk kishte ditur asgjë për aktivitetin që ushtronte qendra e masazhit, ka shkuar në rrugën “Teodor Keko” është futur brenda dhe ka arrestuar në flagrancë dy menaxhere, konkretisht 27-vjeçaren Malvina Hila dhe 23-vjeçaren Borana Koçi.
Shtetasi në fjalë prentendon se është mashtruar nga disa vajza në një qëndër masazhi, por hetimet e ndjekura nga komisariati nr 6 në Tiranë ka rezultuar se në fakt bëhet fjalë për një qendër prostitucioni.
Kjo qendër kishte aktivitet edhe në rrjetet sociale: Facebook dhe Instagram. Gjatë një kontrolli në faqen e kësaj qëndreje shikohen vajza gjysmë të zhveshura, të cilat në çdo postim shënonin numërin e telefonit për të kryer rezervime.
Sipas hetimeve të deritanishme kjo qëndër kishte një aktivitet të gjërë në fushën e prostitucionit e ndërsa po vijojnë kërkimet për lokalizmin dhe arrestimin e pronarit të saj, i cili është identifikuar si Mentor Musarai, i moshës 47 vjeç.
Shtetaset M.H dhe B.K menaxhonin qendrën e masazheve në pronësi të shtetasit M. M., në rrugën “Teodor Keko”, në të cilën ishin të punësuara shtetaset S. S., Z. A., Xh. Sh. dhe A. K.//m.j
