Nga i vijnë kaq shumë para? Kjo është pyetja që shtrohet teksa sheh jetën luksoze të vajzës së Arkanit, njeriu që themeloi një njësi paraushtarake gjakatare, një nga kryekomandantët më të frikshëm në botë, i cili vdiq nga një breshëri plumbash para se të përballej me gjykatën e OKB-së për krime lufte.
Ndërsa Arkani njihet si një nga kryekomandantët e implikuar në masakrën e qindra mijëra kroatëve dhe boshnjakëve në vitet 90’, Daily Mail i kushton vëmendje jetës luksoze të vajzës së tij, Anastasija Raznatoviç, 18-vjeçe.
Anastasija, ka 465,000 ndjekës në Instagram, ndërsa janë të shpeshta postimet e saj me copëza nga jeta luksoze. Vetëm për 18-vjetor ajo ka organizuar një festë luksoze në Beograd me qindra të ftuar e VIP-a që pinë shampanjë të shtrenjtë deri në agim.
Prindërit e saj, Arkani dhe Ceca, u martuan në vitin 1995, në një dasmë përrallore. Babai i saj kishte grumbulluar mjaft pasuri para se të vritej në vitin 2000 e ndoshta është koha që ta shpenzojë e bija.
BW/d.i.
