Goal ka publikuar karikaturën e ditës. Karikatura e ditës e publikuar nga “Goal.com” i dedikohet Real Madridit të Zinedine Zidane, ku trajneri francez fitoi titullin e parë të Spanjës në stolin e Los Blancos.
Zidane fitoi titullin me rekorde të shumta, një ndër to edhe gola të shënuar në 38 ndeshje të La Ligas, diçka që Reali e arriti për herë të parë në histori të klubit.
Ky është titulli i 33 në histori të Real Madridit, që e fitojnë për herë të parë pas pesë vjetësh, hera e fundit kur kishin triumfuar ishte viti 2012, nën udhëheqjen e Jose Mourinhos.
Skuadra e Zinedine Zidane e mbylli sezonin me 93 pikë (tri më shumë se Barcelona), ku në 38 ndeshje ka arritur të shënojë 106 gola, derisa ka pranuar 41.
Gjatë këtij sezoni, Reali regjistroi 29 fitore, gjashtë barazime dhe tri humbje, përgatiti “Gazeta Express”. (b.an)
