Gonzalo Higuain pritet ta vesh fanellën e Juventusit për sezonin e ardhshëm
Juventusi ka arritur marrëveshje me Napolin për transferimin e Gonzalo Higuain, i cili ka nënshkruar kontratë katër vjeçare me kampionët e Italisë, ku do të përfitojë 7 milionë euro në sezon, kështu raporton Goal.com.
Goal.com mëson nga burime të afërta me klubin se Higuain ka pranuar që të transferohet te Juventusi gjatë kësaj vere dhe se tashmë ka arritur marrëveshje personale me kampionin e Italisë.
Sipas Goal.com, Juve po heziton që të paguajë klauzolën e lojtarit prej 94 milionë eurove, andaj do të ofrojë lojtarë për të ulur çmimin.
Higuain ka qenë i lidhur me një numër të madh të klubeve Evropiane, pas sezonit të mirë që pati me Napolin, duke shënuar 36 gola në 35 paraqitje në Serie A, citohet ”Express”. (b.an)
