Drejtori i Përgjithshëm i Policisë Gledis Nano ka shkuar sot paradite për një vizitë ngushëllimi në familjen Avdia, që humbi vajzën e tyre 7-vjeçare Jonada, në ngjarjen tragjike në Potam.
Nano tha se nuk do “që të keqinterpretohet vizita ime këtu”.
“Kam marrë pjesë për t’i shprehur me shumë hidhërim ngushëllimet e mia për humbjen tragjike te fëmijës.
Kam ardhur si prind dhe qytetar dhe falënderoj familjen Avdia që i mirëpriti ngushëllimet e mia.
I mirëkuptoj dhe i falënderoj që ngjyrime të caktuara i kanë lënë mënjanë dhe janë duke vuajtur të gjithë atë që ndodhi“, tha për media kryepolici Nano.
/a.r
