Gjysma e çekëve janë kundër pranimit të refugjatëve nga zonat e luftës, bën të ditur një anketë e realizuar nga Qendra për Hulumtimin e Opinionit Publik në Çeki.
Sipas sondazhit, 50 përqind e të anketuave kundërshtojnë pranimin e refugjatëve, 40 përqind mbështesin pranimin e tyre vetëm deri në kohën kur mund të kthehen në shtëpi, ndërsa vetëm 4 përqind përkrahin pranimin e refugjatëve përgjithmonë. Sondazhi bazohet në 994 njerëz të anketuar.
Shtetet e Evropës qendrore, në mesin e tyre Çekia, Sllovakia, Hungaria dhe Rumania kanë kërkuar sigurimin e kufijve të jashtëm të BE-së për të frenuar hyrjen në Evropë të qindra-mijëra refugjatëve që ikin nga konfliktet në Siri, Irak, Afganistan dhe gjetkë.
