Nga Adriatik Doçi
‘Bëmat e kamikazes’ Iliriana Olldashi që liroi dhëndrin e Berishës, la në burg deri në vdekje Enver Shehin për evazion fiskal, liroi drejtorin e LSI, Dashamir Xhikën, Lefter Koka dhe Lefter Alla në qeli edhe pse në gjendje të rëndë shëndetësore!
Gjyqtarja Iliriana Olldashi, me një vendim të dyshimtë dhe në konflikt interesi, ka vendosur një standard të dyfishtë sa i takon nivelit të ashpërsisë të masave të sigurisë për të akuzuarit nga SPAK për korrupsion, pastrim parash, shpërdorim detyre, fshehja pasurie etj.
Olldashi liroi nga burgu dhëndrin e Sali Berishës, Jamarbër Malltezi, i cili akuzohet nga SPAK për pastrim parash dhe korrupsion, vepra penale për të cilat parashikohet deri në 15 vite burg.
Dako dhe Alla janë lënë në burg nga kolegë të gjyqtares Olldashi në GJKKO e Apelit, duke vendosur kështu një standard. Gjashtë ekspertë kanë konstatuar gjendjen e rëndë shëndetësore të Lefter Allës, i cili mbahet në burg.
Skandali, përdhosja e standardeve dhe parimit të barazisë para ligjit, është më i rëndë se sa duket.
E njëjta gjyqtare, Iliriana Olldashi, ka caktuar masën e sigurisë “arrest me burg” për të ndjerin Enver Sheshi, i cili nuk doli gjallë nga burgu.
59-vjeçari Enver Sheshi akuzohej nga SPAK për evazion fiskal, si pjesë e dosjes së inceneratorëve.
Sheshi i kishte parashtruar shkaqet shëndetësore në GJKKO e Apelit për t’u liruar nga burgu, por ishte refuzuar nga Iliriana Olldashi.
Enver Sheshi pësoi arrest kardiak në 7 janar 2023 në burgun 313 në Tiranë.
Sheshi ndërroi jetë në urgjencën se spitalit QSUT disa minuta më pas.
Atij ishte refuzuar ndryshimi i masës së sigurisë në 29 dhjetor 2022, pra 10 ditë para se të ndërronte jetë, nga gjyqtarja Iliriana Olldashi.
Sheshi akuzohej nga SPAK për evazion fiskal, një vepër penale e lehtë me veprat penale për të cilat dyshohet Jamarbër Malltezi, të cilin Iliriana Olldashi e çoi në shtëpi.
Janë me dhjetëra persona që sot akuzohen për avazion fiskal, por që ndiqen në gjendje të lirë ose janë arrest shtëpie.
Jo vetëm kaq. Enver Sheshi ishte hetuar dhe ndëshkuar për të njëjtën çështje, për evazion fiskal si administrator i kompanisë Leli 17.
Çekiçi i drejtësisë në duart e Iliriana Olldashit rëndoi mbi të dobëtin Enver Shehi, i sëmur dhe i akuzuar për evazion fiskal. I njëjti çekiç u lehtësua për Jamarbër Malltezin, shëndoshë si molla, por i dyshuar nga SPAK për korrupsion dhe pastrim parash.
Çekiçi i drejtësisë në duart e Iliriana Olldashit ka shkarë edhe në raste të tjera.
Në korrik të vitit 2018, gjyqtarja liroi nga burgu ish-drejtuesi i ARRSH-së dhe funksionarin e LSI Dashamir Xhika, i akuzuar për “korrupsion” dhe “shpërdorim detyre” gjatë ndërtimit të aksit Tiranë-Elbasan.
Në 2017, gjyqtarja ka liruar nga burgu 19-vjeçaren Elda Tanushi, e cila kishte tentuar të helmonte vjehrrën. E liroi me arsyetimin se e akuzuara ishte e stresuar.
