Gjykata e Tiranës nis shqyrtimin e kërkesës së PD për regjistrimin e ndryshimeve statutore të Kuvendit Kombëtar të 2 shtatorit. Përfaqësues të PD zyrtare në shqyrtimin e sotëm në Gjykatën e Tiranës, janë Rezart Kthupi dhe Indrit Sefa, nga PD-ja e Bardhit, janë të pranishëm Marash Logu dhe Redi Rama, ndërsa grupimi i Berishës përfaqësohet nga Clirim Gjata dhe Franc Nuri.
Indrit Sefa: Autorizimi i Rithemelimit është një autorizim nul. Nuk kanw tagwr që ata mund t’i kenë për t’u bërë pjesë në proces. Komisioni i Rithemelimit, në dijeninë time, nuk ka personalitet juridik. Si i tillë, nuk mund të lëshojë autorizimi përfaqësimi. Komisioni i Rithemelimit e ka mbaruar mandatin në prill 2022. Nuk ekziston më si koncept Rithemelimi. Është hera e parë që pas gjykimit në Apel, që Rithemelimi vjen si entitet, ndonëse nuk ka mandat. Nuk kanë autorizim për këtë gjykim. Nuk mund të marrësh një autorizim e ta përdorësh për të gjitha llojet e gjyqeve.
Rezart Kthupi: Akti i përfaqësimit, që na paraqitet, është një akt i bërë nga 7 deputetë. Përfaqësimi i partisë me të tretë e ka vetëm kryetari i partisë. Këshilli kombëtar mund ta bëjë delegimin e kësaj kompetence. Nuk jemi në këtë rast. Grupi i deputetëve nismëtare mund të ndjekë të gjithë hapat ligjore deri në përfaqësimin e PD. Këshilli kombëtar nuk mund të zbatojë një kompetencë që nuk e ka.
Sot Gjykata e Tiranës shqyrton kërkesën e Lulëzim Bashës për të regjistruar ndryshimet statutore të bëra në Kuvendin Kombëtar të 2 shtatorit. PD-ja e Rithemelimit është thirrur nga gjykata për t’u dëgjuar.
/a.r
