Plot 90 minuta ka zgjatur dëshmia e ministrit të Energjitikës, Damina Gjiknuri, para togave të zeza ditën e sotme.
Gjiknuri ka qenë i pranishëm në ambientet e gjykatës si dëshmitar i palës mbrojtëse në procesin që po zhvillohet për aferën DIA-CEZ ku i pandehur është Kastriot Ismailaj.
“Sipas Gain, çështja me qeverinë zgjidhej me marrëveshje dhe jo me dëmshpërblim” – mësohet të ketë thënë Gjiknuri teksa ka pranuar se është takuar me Rebecca Gain, administratoren e DIA-s.
Nga ana tjetër, ministri është shprehur se Romeo Kara ka ndihmuar avokatin e shtetit në arbirtrazh.
Kastriot Ismailaj akuzohet që nëpërmjet falsifikimit të dokumenteve ka përvetësuar një shumë prej afro 5 milionë eurosh, nga fondi që kishte mbledhur për llogari të faturave të papaguara të CEZ-it.
Në tetor të 2015, Kontrolli i Lartë i Shtetit kallëzoi penalisht ministrin e Energjitikës, Damian Gjiknuri dhe Avokatin e Shtetit, Alma Hicka. KLSH arriti në përfundimin se shtetit shqiptar i është shkaktuar një dëm financiar prej 479 milionë eurosh nga marrëveshja për zgjidhjen me mirëkuptim mes palëve e arritur nga qeveria dhe grupi çek Cez, i cili ishte pronar i 76 përqind të aksioneve të operatorit të sistemit të shpërndarjes.
/b.d
