Gjykata e Apelit për Krime të Rënda ka dhënë vendimin për 9 të dënuarit për terrorizëm, të akuzuar për rekrutimin e luftëtarëve shqiptarë për në Siri.
Gjykata ka lënë në fuqi dënimin për dy imamët e vetëshpallur Genci Balla dhe Bujar Hysa të dënuar përkatësisht me nga 17 dhe 18 vite burg.
Po ashtru mbeti në fuqi dënimi me 13 vite burg për Edmond Ballën dhe me 17 vite burg për Gerti Pashjan.
Ndëkrohë, kanë përfituar nga ulja e dënimit shtetasit Fadil Muslimani dhe Orion Reçi. Ata u dënuan në apel përkatësisht me 10 vite dhe 6 vite e 8 muaj burg.
Zeqir Imerit i u ul dënimi nga 16 vite burg në 13.
Seanca u zhvillua nën masa të rrepta sigurie. Disa forca speciale qëndronin jashtë gjykatës ndërkohë të pranishëm ishin edhe shumë besimtarë që frekuentojnë xhaminë e unazës. Imami i saj tha se ndaj besimtarëve po ushtrohet terrror në të gjitha format. Ai tha se shteti duhet të ketë kujdes nga gylenistët e Komunitetit Musliman dhe jo nga besimntarët e vërtetë.
“Nuk pritej asnjë ndryshim edhe nga apeli, sepse edhe Gjykata e Apelit është pjesë e këtij sistemi drejtësie. Gjithë besimtarët myslimanë nuk do të presin mirësi, vetëm kohë të vështira do t’i vijnë të gjithëve. Vetëm ditë më të keqija do të vijnë. Terrori po shtohet ndaj besimtarëve mylsimanë. Unë po flas si një hoxhë, si një imam. Nga dita në ditë po shtohet dhuna, terrori në të gjithë format e tjera ndaj besimtarëve muslimanë. Nuk jam imam i vetëshpallur, imam i vetëshpallur është kreu i KMSH. I bëj thirrje shtetit shqiptar të ketë kujdes nga lëvizja Gylen, të merren me ata që janë anëtarë të një organizate terroriste dhe nuk po i hyn asnjë gjëmb në këmbë”, tha Armand Ali, imami që zëvendësoi të arrestuarin genci Balla në xhaminë e unazës./a.m.
