Deputetja e Partisë Socialiste, Blerina Gjylameti, deklaroi sot se sjelljen e parë antikushtetuese me procesin zgjedhor e shënoi Presidenti.
Në një reagim, Gjylameti theksoi se “pseudodekreti nxiti krizën artificiale të dëshpërimit, duke përkrahur rrëmujën dhe kjo është njëlloj sikur të çmendurve t’u lësh gurë në duar”.
“Veprimi i tij thjesht i dha alibi pakicës për të ndezur zjarrin ndaj shkollave. Nga ana tjetër OSBE dënon çdo akt të dhunshëm ndaj organeve që merren me organizimin e zgjedhjeve. Mbështetja ndaj papërgjegjshmërisë është streha e fundit për mbijetesë”, – nënvizoi Gjylameti.
Sipas saj, 30 qershori do të jetë leksioni, ku paqja e solidariteti do të triumfojë në votë.
