Princesha spanjolle Cristina dhe bashkëshorti i saj sot kanë hyrë në sallën e gjyqit në Palma de Majorka, ku ka filluar gjykimi historik, ndërsa në bankë e të akuzuarve për herë të parë është ulur një anëtare e familjes mbretërore që nga rivendosja e mbretërisë në vitin 1975.
Në këtë proces gjyqësor, ku 18 të pandehur, përfshi edhe motrën e mbretit Filipi i VI, princesha Cristina, akuzohen për përvetësim të 6.2 milionë euro të fondeve publike, korrupsion dhe evazion fiskal.
Zyra spanjolle për luftë kundër korrupsionit kërkon dënim kolektiv prej më shumë se 100 vjet për të dyshuarit, kurse për vajzën e vogël të ish-Mbretit Juan Carlos, princeshën Cristina, në bazë të dy akuzave kërkon burgim tetë vjeçar.
I akuzuari i parë në këtë rast është burri i saj, Inaki Urdangarin, i cili në bazë të shtatë akuzave të shpërdorimit të detyrës, korrupsionit dhe shpërdorimit të parave mund të dënohet me 19.5 vjet burg.
Gjykata gjatë seancave të ardhshme do të merr në pyetje gjithsej 363 dëshmitarë, përfshi edhe ish-kreun e FMN-së dhe zëvendëskryeministrin e Spanjës Rodrigo Raato, ish-ministrin spanjoll të Drejtësisë Alberto Ruiz Gallardo, ish-kryeministrin e krahinës së Valencias, Francisco Camps dhe ish-zyrtarët e oborrit mbretëror, Carlos Garcia Revenga dhe Alberto Aza.
Hetimi për korrupsion në organizatën bamirëse “Instituto Noos”, me të cilën drejtonte duka nga Palme Urdangarin, filloi në vitin 2010.
