Gazetari i emisionit “Xhungël” Artan Hoxha publikoi në emisionin Opinion të Blendi Fevziut disa përgjime të prokurorisë të disa viteve më parë, ndaj një biznesmeni të fuqishëm. Në përgjimet, të cilat sipas Hoxhës gabimisht nuk ishin asgjesuar, gjenden edhe biseda të këtij biznesmeni me politikanë të njohur. Në njërin nga pergjimet, thotë gazetari Hoxha, gjendet edhe një sms mes tij dhe një politikani, pak para zgjedhjeve të vitit 2009, ku ky i fundit i shkruan biznesmenit tekstin “më duhen patjetër 200 mijë”.
Ndaj denoncimit të A.Hoxhes reagoi juristja Eni Çobani, e cila u shpreh se dekonspirimi i këtyre pergjimeve publikisht, është i paligjshëm.
