Një gjykatës spanjoll ka nxjerrë urdhër-arresti për kryeministrin izraelit, Benjamin Netanyahu, i akuzuar për krime lufte. Urdhëri është nxjerrë lidhur me sulmet e ndërmarra në vitin 2010 ndaj flotës “Mavi Marmara”, e cila ishte në ndihmë të Gazas, shkruan “Jerusalem Post”.
Komandat izraelite sulmuan më 31 maj 2010 një anije me flamur turk, e cila ishte pjesë e flotës ushtarake të Lirisë në det të hapur në Mesdhe, duke vrarë nëntë qytetarë turq dhe duke plagosur 50 të tjerë.
Një panel me përfaqësues të OKB-së që vlerësoi incidentin, e cilësoi aksionin izraelit si të tepruar dhe të paarsyeshëm.
Zëdhënësi i Ministrisë së Jashtme izraelite, Emmanuel Nachshon, deklaroi se bëhet fjalë për një provokim dhe se po punohet me autoritetet spanjolle që urdhri të anulohet.
Të përfshirë në ngjarjen në fjalë, sipas mediave, përveç Natanyahut, janë edhe ish-ministri i Jashtëm, Avigdor Lieberman, ministri i Çështjeve Ushtarake Moshe Ya’alon, Ehud Barak, ish-ministri i Brendshëm, Eli Yishai dhe ish-ministri për Inteligjencën, Dan Meridor.
Këta zyrtarë mësohet se janë pjesë e një komiteti që merr vendimet kryesore në Izrael.
