SHBA- Urdhrin e ri ekzekutiv të presidentit Donald Trump, mbi ndalimin e hyrjes së emigrantëve në Shtetet e Bashkuara të Amerikës e ka bllokuar një gjykatës federal në Hawaii . Ai quhet Derrick Watson, i cili u shpreh se vendimi i qeverisë për të ndaluar hyrjen e personave nga shtetet e përshirë në urdhrin e ndalimit, për shkaqe të kërcënimit të sigurisë kombëtare ishte marrë mbi “prova të diskutueshme”. Urdhri i presidentit Trump për emigrantët, parashikonte ndalimin e hyrjes në SHBA për 90 të ditë, të shtetasve nga gjashtë vendeve me shumicë myslimane, si dhe ndalimin për 120 ditë të hyrjes të të gjithë emigrantëve.
Ka ardhur edhe reagimi nga presidenti Trump, i cili e ka përshkruar vendimin e gjykatës si një humbje të madhe të ekuilibrit gjyqësor në vend. “Vendimi i gjykatës për bllokimin e urdhrit ekzekutiv i bëri Shtetet e Bashkuara të Amerikës të duken të dobëta”, tha Trump gjatë një tubimi mbrëmjen e djeshme në Tennessee, ku ka paralajmëruar edhe dërgimin e çështjes në gjykatën supreme.
