Ish-krerët e Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, kanë dalë sot para trupit gjykues. Pas pushimeve dimërore, Dhomat e Specializuara kanë nisur me dëgjimin e dëshmitarëve. Kujtojmë se gjatë vitit 2024, u zhvilluan gjithsej 107 seanca gjyqësore.
Thaçi, Veseli, Selimi dhe Krasniqi gjenden në paraburgim në Hagë që prej Nëntorit të vitit 2020, kur u është konfirmuar aktakuza ndaj tyre. Që të gjithë janë deklaruar të pafajshëm.
Krimet pretendohet se janë kryer në disa lokacione të Kosovës dhe në veri të Shqipërisë, përkatësisht në Kukës dhe Cahan.
Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty.
