Qeveria e Kosovës nuk do t’i jape llogari ambasadorëve, por vetëm Kuvendit për vendimet që merr. Kështu ka deklaruar kreu i ekzekutivit Ramush Haradinaj i pyetur lidhur me deklaratat e shefes së zyrës së BE-së për nismën e shfuqizimit të Gjykatës Speciale dhe ratifikimin e demarkacionit. Haradinaj tha se qeveria nuk ka më punë në trajtimin e këtyre çështjeve ndërsa u shpreh i habitur se pse demarkacioni nuk është votuar pro ose kundër në Kuvend.
“Janë disa tema që i kemi detyra të shtëpisë ato që i ka kompetencë ekzekutivi. Janë disa tema ku involvohen edhe aktorë të jashtëm. Pjesën e qeverisë si për njërën temë ashtu edhe për tjetrën ne e kemi kry. Unë habiten pse parlamenti ende nuk e ka votuar. Qeveria nuk ka ç’ka ben më shumë. E kem çu raportin. E ka parlamenti. Le ta votojnë e jo me gjete argumente që me e çu deri në pakufi. 2 vite e gjysëm LDK-ja këtë çështje e ka pas në sirtar e tani nuk do ta votojë”, tha Haradinaj, raporton Ekonomia Online.
“Dhomat e posaçme janë iniciativë e parlamentit. Ne i jepim llogari vetëm parlamentit se ai na ka zgjedh, nuk i jepim llogari ambasadorëve. Ne nuk i kem punëdhënës ata. Punëdhënës kemi Parlamentin”, deklaroi ai.
Këto komente kryeministri Haradinaj i bëri gjatë vizitës në Ministrinë e Zhvillimit Ekonomik ku u prit nga kreu i saj, Valdrin Lluka, me të cilin biseduan për zhvillimin ekonomik në Kosovë, duke u fokusuar në sektorin e energjetikës.
ma.me
