Gjykata e Posaçme ka rrëzuar kërkesën e Arbër Çekaj për të dalë nga regjimi i izolimit 41 biss. Çekaj ka kërkuar që të dalë nga izolimi, por SPAK ka këkruar që kërkesa të rrëzohej pasi sipas tyre ka kontakte me persona të tjerë të rrezikshëm.
Po ashtu SPAK ka deklaruar se Çekaj ka rrezik që të arratiset dhe ka bindur gjykatën për ta lënë atë në izolim.
Çekaj, se bashku me Fatmir Pjetrin tentuan të arratiseshin pak muaj më parë. Prokuroria për këtë ngjarje akuzon dhe Lulzim Çepelen si bashkëpunëtor, i cili ditën e tentativës së arratisjes tentoi të priste damarët.
Çekaj dhe Pjetri gjatë tentativës për tu larguar nga burgu kanë goditur njërin prej rojeve, por janë neutralizuar me ndërhyrjen e forcave të tjera të sigurisë së burgut. Arbër Çekaj është dënuar me 14 vjet heqje lirie për trafikun e 613 kilogramëve kokainë nga Ekuadori në 2018-ën.
/a.r
