Pas vendimit të Gjykatës së Rrethit Gjyqësor Tiranë për të rrëzuar kërkesën e Prokurorisë për mbylljen e hetimit për çështjen e privatizimit të OSSH nga CEZ ka reaguar, deputeti i PS Taulant Balla, njëkohësisht ish-kryetar i Komisionit Hetimor të skandalit CEZ.
Në një deklaratë për mediat, Balla pyet se si është e mundur që prokurorja hetoi dosjen voluminozë prej 5400 faqesh për vetëm 10 ditë
“Gjykata hodhi poshtë kërkesën e prokurorisë së Tiranës për mbylljen e procesit të hetimit për privatizimin e OSSH nga CEZ. Ky është një lajm i mirë për drejtësisë. Prokurorja e çështjes kishte hetuar dosjen voluminozë 5400 faqe vetëm për 10 ditë. Për habi, kjo prokurorë kërkoi mbylljen e hetimeve për këtë çështje”, deklaroi Balla
Deputeti i PS, duke e quajtur vendimin e gjykatës një lajm të mirë për drejtësinë, theksoi se kjo e fundit i ka kërkuar prokurorisë të thërrasë për të dëshmuar Nue Kalajn, Shkelzën Berishën që kanë lidhje me një transfertë 7 milion euro që ishte pjese e një pagese ryshfeti
“Por për fat të mirë, gjykata e rrethit gjyqësor Tiranë vendosi thellimin e kësaj çështje. Gjykata i kërkoi prokurorisë të thërrasë për të dëshmuar Nue Kalajn, Shkelzën Berishën që kanë lidhje me një transfertë 7 milion euro, që ishte pjesë e një pagese ryshfeti nga CEZ përmes Nue Kalaj tëk autoritetet që qeverisnin në atë kohë. Prokurorja kërkontë mbylljen e hetimit pa thirrur këta persona“, deklaroi Balla
Balla tha se skandali CEZ i kushtoi Shqipërisë 414 mln euro.
javanews.al/a.ç
