Gjykata e Tiranës ka gjobitur e shumën prej 200 mijë lekësh të reja secili, kreun e grupit parlamentar të Partisë Demokratike Edi Paloka dhe Sekretarin e Përgjithshëm të PD Arben Ristani, lidhur me padinë për shpifje e bërë nga kryeministri Edi Rama.
Në seancën e sotme gjykata i ka shpallur fajtorë Palokën dhe Ristanin për shpifje duke i gjobitur me 200 mijë lekë të reja secilin prej tyre.
Ndërkohë që ata u shpallën të pafajshëm lidhur me akuzën e ngritur ndaj tyre për fyerje.
Në dalje nga seanca, Paloka tha se nuk e priste këtë vendim por shtoi se do ta respektojë vendimin e gjykatës. Paloka u shpreh se e kupton situatën nën presion nga qeveria në të cilën ndodhen togat e zeza.
“Nuk e prisja këtë vendim. E kuptoj situatën e presionit në të cilën është gjykata. Ne e kemi thënë që do ta respektojmë vendimin e gjykatës.” tha Paloka
