Ardian Doçi, një prej personave të dyshuar për pengmarrjen e Jan Prengës në Kamëz ka dalë sot para gjykatës ku është njohur me masën e sigurisë “arrest me burg”. Doçi u vetëdorëzua në pikën kufitare të Hanit të Hotit, dy ditë më parë.
Doçi ka udhëtuar nga Vjena në drejtim të Podgoricës në Mal të Zi dhe mësohet se ka mbërritur në pikën kufitare të Hanit të Hotit dhe është vetëdorëzuar në policinë shqiptare për t’iu përgjigjur disa akuzave të ngritura ndaj tij si i përfshirë në rrëmbimin e Jani Prengës.
Një ditë para se të vetëdorëzohej, Doçi kishte bërë publike se do të vinte dhe të sqaronte situatën në Shqipëri, pasi ka mohuar qoftë të ketë njohje me Prengën apo të jetë përfshirë në pengmarrjen dhe vrasjen e tij.
Lidhur me pengmarrjen dhe vdekjen e Jan Prengës, katër persona janë arrestuar si autorë të dyshuar. Ata janë: Elton Hajri 32 vjeç, banues në Shijak; Bajram Hajri 64 vjeç, banues në Shijak Leonard Hajri35 vjeç, banues në Shijak, i dënuar më parë dhe Olsi Turja 36 vjeç, banues në Shijak.
g.kosovari
