Është dhënë sot masa e sigurisë nga gjykata e rrethit gjyqësor fier për dy të dyshuarit për vrasjen e 23 vjeçarit Florian Selimi nga Sulaj i Fierit.
Dy autorët e arrestuar janë Kiri Merica 20-vjeç dhe Sadri Selaci 26-vjeç, ndërsa para trupës gjykuese ata i kanë hedhur poshtë akuzat. Masa e sigurisë është dhënë nga gjyqtari Ergys Selmani, masë e cila është kërkuar edhe nga Prokurori i çështjes Hysen Ajsllari.
Ngjarja e rëndë ndodhi rreth orës 23:00 të së dielës që lamë pas, në fshatin Hamil, në vendin e quajtur “kthesa e Hamilit”.
Dyshohet se në vitin 2015 Selimi ishte arrestuar për shkak se kishte vjedhur dhe më pas kishte djegur një automjet në lagjen ’15 Tetori’. Ndërkohë që nuk përjashtohet lidhja e kësaj ngjarje me vrasjen e të riut. /l.m
