Gjykata e Pogradecit ka caktuar masën e sigurisë për, Firdeus Berberi i cili goditi efektivin e policisë.
Fierdeus Berberi 19-vjeç është dërguar në burg, pasi ndaj tij Gjykata ka caktuar masën e sigurisë “arrest me burg” për dhunën ndaj policit, e ndërsa dy shokët N. K. 19 vjeç dhe K. T. 20 vjeç janë lënë të lirë.
Dalja e tij nga Gjykata dhe transporti drejt burgut është shoqëruar me përplasje mes familjarëve të 19-vjeçarit dhe uniformave blu. Policët janë qëlluar me shishe teksa shtyheshin, e prej familjarëve është dëgjuar të thuhet se”mirë ia bëre plehrave”. Ndërsa i riu teksa po hipte në furgonin e policisë ka ngritur grushtin lart.
/e.rr
