Gjykata Kushtetuese ka hedhur poshtë praktikën arbitrare të SPAK lidhur me sekuestrimin e celularit të Onejda Ymeraj, një drejtuese spitali provat në Tiranë.
Gjykata Kushtetue ka konstatuar se Onejda Ymeraj i është cenuar liria dhe fshehtësia e korrespondencës dhe e drejta për mbrojtjen e të dhënave personale.
Celulari u sekuestrua në kuadër të hetimeve ndaj ish-zëvendëskryeministrit Arben Ahmetaj.
Pas sekuestrimit të celulalrit në shkelje të ligjit shqiptar, SPAK ka hetuar dhe emsazhe të tjera dhe ka përdorur sekuestrimin e telefonit për të sigruar fakte për cështje ër të cilat nuk ishin ojekt I hetimit .
Në vendim, gjykata shprehet se në rastin konkret do të vijojnë të mbahen nën sekuestro vetëm kopjet që lidhen me hetimin penal, duke ia nënshtruar kontrollit gjyqësor.
Sipas Kodit të Procedurës Penale, në një vendim gjykate që lejon kontrollin e banesës dhe të personit, duhet të përcaktohet paraprakisht se cilat sende lejohen të sekuestrohen. Prokuroria, zakonisht, bën kërkesë për pajisje si kompjuterë, laptopë, hard disqe, USB, telefona – pavarësisht se kujt i përkasin – por duhet të arsyetohet lidhja e tyre me një vepër penale konkrete. Praktika e SPAK, në shumë raste, nuk ndjek këtë standard: nuk ka vendim sekuestrimi për një objekt të caktuar, por vetëm pasi kopjohet përmbajtja, fillon “gjuetia” për prova të tjera të mundshme. Kjo është shkelje e nenit 208/a të Kodit të Procedurës Penale.
Në rastin në fjalë u cenua rëndë privatësia dhe u përfshinë edhe të dhëna të ndjeshme të pacientëve që ajo menaxhonte si drejtore spitali. Gjatë seancës dëgjimore në Gjykatën Kushtetuese, u provua se të dhënat e marra nuk kishin lidhje me hetimin, për më tepër, prokurori kishte aksesuar të dhëna shëndetësore që sipas Konventës Evropiane dhe legjislacionit të BE-së, duhen marrë vetëm me vendim gjykate.
Gjykata Kushtetuese ka urdhëruar gjithashtu SPAK-un që, brenda një afati 3-mujor, të marrë masat e nevojshme për të rivendosur ligjshmërinë procedurale në lidhje me këtë çështje, duke respektuar të drejtat e individit të mbrojtura nga Kushtetuta.
