Një shqiptar ka marrë dënimin kapital që njeh ligji penal gjerman, dënim me burg të përjetshëm, për tentimvrasje. Në shpalljen e dënimit, gjyqtari ka folur për një veprim veçanërisht brutal, çfarë gjykata e landit në Hamburg ende nuk ka pasur rast të procesojë, shkruajnë mediet gjermane.
23 vjeçari Jasmin A., i cili ka pasporte kosovare dhe jeton në Lüneburg, e ka marrë dënimin pa shqetësim. Ndërsa për familjen e personit të dëmtuar, i cili ka pësuar lëndime me rrezik për jetë dhe dëme të pariparueshme, ky dënim është një ngushëllim i dobët.
Trupi gjykues ka konstatuar se në rastin që ka ndodhur në qershor të vitit 2015 janë përmbushur dy kritere për vrasje të rëndë dhe se dorasi vuan nga një çrregullim psikotik i personalitetit.
Ai e ka sulmuar shefin e tij mbrapa shpine me nje tfurrk me ç`rast e ka goditur me forcë të madhe në kokë, sa që rembat e cfurrkut kanë depëtuar dhjetë centimetra në thellësi të kokës së personit të sulmuar, transmeton albinfo.ch. Me atë rast atij i janë shkaktuar dëme të pariparueshme shëndetësore. Mjeti metalik është dashur t`i hiqet nga koka me një operacion emergjent.
Sulmit i ka paraprirë një mosmarrëveshje mbi orët e punës në mes të shefit dhe punëtorit që punonte në një deponi të djegies së mbeturinave.
I dënuari nuk ka shprehur aspak pendim për krimin. Madje ai ka thënë para trupit gjykues se «ia kam futur tfurkun në kokë». Dhe kjo, për gjyqtaret është lojë makabre me viktimën, përcjell albinfo.ch. Sipas kosovarit, viktima e kishte sharë atë me një shprehje urrejtjeje ndaj të huajve (Scheissausländer) dhe ai me këtë e arsyeton aktin e tij, citohet Express.
