Gjykata e Posaçme ka refuzuar kërkesën e të pandehurve të dosjes “Partizani” për përjashtimin nga shqyrtimi paraprak të gjyqtares Flojera Davidhi.
Konkretisht bëhet fjalë për kërkesën e kryedemokratit Sali Berisha, dhëndrit të tij, Jamarbër Malltezi, Andia Pustinës dhe shoqërisë tregtare “Homeplan” sh.p.k.
Më poshtë pjesë e vendimit të Gjykatës së Posaçme:
1. Shpalljen të papranueshme të kërkesës së kërkuesit Sali Berisha, paraqitur nëpërmjet mbrojtësve, për shkak të moslegjitimimit të mbrojtësve në paraqitjen e kërkesave.
2. Shpalljen të papranueshme të kërkesës së kërkueses shoqërisë tregtare “Homeplan” sh.p.k, paraqitur nëpërmjet avokatit, për shkak të moslegjitimimit të mbrojtësve në paraqitjen e kërkesave.
3. Shpalljen të papranueshme të kërkesës së kërkuesit Jamarbër Malltezi.
4. Shpalljen të papranueshme të kërkesës së kërkueses Andia Pustina.
