Këshilli i Lartë Gjyqësor ka nisur përzgjedhjen e kandidatëve gjyqtarë për ngritjen e Gjykatës së Posaçme Antikorrupsion. Në mbledhjen e zhvilluar sot, KLGJ shqyrtoi disa nga prioritet në lidhjen me funksionimin e Gjykatave të Posaçme kundër Korrupsionit dhe Krimit të Organizuar dhe emërimin e kandidatëve për magjistratë të diplomuar nga Shkolla e Magjistraturës.
Më përputhje me kompetencat e përcaktura nga ligji, KLGJ vendosi nisjen e procedurës për caktimin e përkohshëm të gjyqtarëve pranë Gjykatave së Posaçme kundër Korrupsionit dhe Krimit të Organizuar duke i hapur rrugë krijimit të këtyre gjykatave. Gjithashtu KLGJ nisi procesin e komunikimit me institucionet shtetërore kompetente për verifikimin e pasurisë dhe figurës së kandidatëve për magjistratë të diplomuar në vitin 2018. Ndërkohë, Këshilli i Lartë Gjyqësor miratoi deklarimin e mbarimit të statusit të gjyqtarit Metush Saraçi, për shkak dorëheqjeje./a.meta/javanews.al
