U desh një seancë e cila zgjati më shumë se dy orë që Gjykata e Apelit të vendoste për lirimin nga masa e sigurisë “arrest shtëpie”, ish-ministrin e Brendshëm Saimir Tahiri.
Ky i fundit u largua pak para orës katër nga ambientet e gjykatës, për në banesën e tij te Kodra e Diellit.
Edhe në këtë rast, Tahiri u shoqërua nga një makinë policie. Kjo pasi duhet të dalë urdhër-ekszekutimi që ai të rikthehet në liri.
Ndërkohë, Tahiri do të qëndrojë në banesë deri në momentin që vendimi i gjykatës të ekzekutohet nga Prokuroria.
Nuk dihet ende nëse organi i akuzës do t’i drejtohet Gjykatës së Lartë për Rekurs, pasi më herët ka kërkuar “arrest me burg” për ish-ministrin.
Kjo është hera e dytë që Tahiri fiton përballjen me drejtësinë, ku më herët arriti që të marrë sërish pasaportën e sekuestruar./a.m.
