Gjykata e Lartë konfirmon se në arkivin e saj në pritje për t’u shqyrtuar janë afro 20 mijë dosje të cilat janë akumuluar ndër vite. Ndërsa pengesa më e madhe vjen për shkak të mungesës së trupës gjykuese. Repor Tv ka pare nga afer arkivin e ndodhur në katin e parë të këtij institucioni, ku raftet deri në 6 kate qëndrojnë të tejmbushura.
Sipas sekretarisë së kësaj gjykate, çdo ditë në sportele paraqiten rreth 40 rekurse, duke e çuar shifrën mujore për ditët kalendarike të punës në afro 830 dosje. Dosjet më të prapambetura në kupolën e sistemit të drejtësisë janë ato penale dhe civile, ndërsa ecurinë më të shpejtë në shqyrtime e kanë dosjet administrative.
Pak ditë më parë, media zbuloi skandalin e fshehjes së 300 dosjeve në gjykatën e Tiranës pa u dërguar për rekurs në gjykatën e lartë, por se çfarë do të bëhet tani me këto dosje do të varet nga gjykata e lartë. Ndërsa kjo që shihni është një tabelë treguese e ecurisë së gjykimit të dosjeve për 6 mujorin e parë të 2017, ku rezulton se janë gjykuar 2131 çështje.
ma.me
