Gjykata e Lartë ka rrëzuar padinë e deputetit Tom Doshi ndaj kreut të sigurisë kombëtare Spartak Braho dhe ka lënë në fuqi vendimin e Prokurorisë për mos nisje hetimesh ndaj Brahos.
Më 3 nëntor 2015 Doshi paditi Brahon në prokurori me akuzën e “Shpërdorimit të detyrës” dhe “Përhapja e informatave të rreme që ngjallin panik” ndërsa pas disa verifikimeve Prokuroria vendosi të pushojë hetimet.
Kallëzimi lidhej me një letër që Spartak Braho i drejtori krerëve të shtetit se Doshi në bashkëpunim me persona të tjerë tentuan destabilitetin e vëndit duke ndërhyrë në cështjen CEZ-DIA.
Sipas letrës së Brahos asokohe Doshi po ndikonte tek Kastriot Ismailaj për të dëshmuar fakte të pavërteta, ndërsa sipas Doshit ky pretendim i kreut të sigurisë ishte shpifje.
c.a
