Gjykata e Lartë e Kosovës nuk ka pranuar ende kërkesën e avokatit Arianit Koçi për mbrojtjen e ligjshmërisë në rastin e shefes së grupit parlamentar të AAK-së Donika Kadaj-Bujupi, edhe pse lëndët me paraburgim janë raste urgjente dhe vendosen me procedurë të përshpejtuar.
“Te ne ende nuk është adresuar kërkesa për mbrojtje të ligjshmërisë për rastin në fjalë. Gjykata nuk jep mendim, por lidhur me kërkesën, vendos me aktgjykim”, ka thënë për Tribuna Cahnnel përmes postës elektronike Antigona Uka, zyrtare për Informim Publik në Gjykatën Supreme.
Ajo nuk ka dashur që të jap më shumë detaje duke shtuar se gjykata nuk paragjykon çështjen, pa e parë dosjen, provat dhe faktet.
