Vetëm katër muaj ka qëndruar në paraburgim i dyshuari si vrasës me pagesë i ish policit Arben Bilali është liruar. Gjergj Cukali për të cilin Policia dha një deklaratë të bujshme ka fituar lirinë në heshtje të plotë nga Gjykata e Apelit të Tiranes.
Për shkak se Prokuroria deklaroi se kishte gjetur prova shkencore dhe se ADN e tradhëtonte në mjetin ku u krye ekspertiza. Më heret gjykata e Tiranës i kishte çmuar të plota provat dhe e kishte lënë të dyshuarin në masën e sigurisë “arrest me burg” për akuzën e vrasjes me paramendim.
Por ndryshe mendon Gjykata e Apelit që sic duket nuk i ka konsideruar të mjaftueshme provat dhe i ka dhënë masën e detyrimit me paraqitje. I vetmi që ngelet në burg për vrasjen e ish-policit Bilali, i cili u qëllua me breshëri plumbash në derë të shtëpisë është Arben Xhetani, një ish i denuar për vjedhje, i cili dyshohet se ka siguruar mjetet për të kryer vrasjen, si dhe ka vëzhguar lëvizjet e viktimës.
Ish polici ka dyshime të forta se u qëllua për hakmarrje, ndërkohe që pas arrestimit të Cukalit, u duk sikur ngjarja u zbardh. Në fakt Gjykata e Apelit është treguar mjaft bujare edhe me një ngjarje tjetër, atë të vrasjes së Jurgen Kurtit. Siç tregon exlusivisht një burim i TCH, gjykata ka liruar edhe Olsi Qalliun , njeriun që ka folur dhe tregoi emrat e të rinjve që dyshohen në këtë atentat. /l.m
