Një 38-vjeçar në Teksas u dënua me katër burgime të përjetshme për përdhunimin e një bebeje vetëm 3 muajshe dhe regjistrimin e të gjithë skenës, ndërsa në seancë u dëgjuan edhe shumë dëshmi për përdhunime të tjera fëmijësh.
David Vincent Akins Jr. u arrestua në vitin 2016 me akuzën e përdhunimit të vajzës 3 –muajshe, pasi videoja e veprimit të përbindshëm u gjend në kompjuterin e tij tre vjet pas ngjarjes. Vogëlushja ishte fëmija e familjarëve të afërt të agresorit. Pesë raste të tjera u zbuluan gjatë kohës që Akins gjykohej.
Dy prej tyre ishin të afërm të familjes. Njëra tha se ishte përdhunuar në moshën 5-vjeçare, ndërsa tjetra nga mosha 3 deri në moshën 11-vjeçare.
Atkins u dërguar për herë të parë në një institucion burgimi për minorenët kur ishte vetëm 14 vjeç, me akuzën se kishte përdhunuar motrën vetëm 5 vjeçe.
Vetëm pasi ai u burgos, motra tjetër e tij deklaroi se ishte përdhunuar edhe ajo. Akins u shpall fajtor për katër akuza për sulm seksual ndaj fëmijëve. Gjykata e dënoi me katër burgime të përjetshme, pa të drejtë apelimi.(TemA TV)
