Kur është fjala për trajtimin e barazisë gjinore, Hollywood-i gjithmonë zvarrit këmbët. Me frekuenca depresive, dalin histori dhe statistika që e bëjnë Hollywood-in të duket një vend jomikpritës për femrat. Të dhënat dëshmojnë se gjatë viteve 2013 dhe 2014 vetëm 6 për qind e regjisoreve kanë qenë femra.
E çuditshme, sepse historia nuk ka qenë gjithmonë kështu, shkruan “The Guardian”, transmeton “Koha Ditore”. Në fakt, në dy dekadat e para më shumë kishte femra që punonin në Hollyëood sesa tani.
Nëse Hollywoodi ndonjëherë do të arrijë që të ketë barazi gjinore në studiot e saj, atëherë i duhet të kthejë kokën prapa dhe të shikojë hapat e para. Femrat ishin të përfshira në industrinë e filmit qysh në start. Femra e parë që ka drejtuar një film pa dyshim se ishte Alice Guy-Blache, e cila punoi për “Gaumont” në Paris.
Ajo nisi të realizonte filma në vitin 1896 dhe të njëjtin vit ajo bëri regjinë e “La Fée aux Choux”, i cili mund të jetë filmi i parë fiktiv i realizuar ndonjëherë…, shkruhet në Koha Ditore.
