Organizata Botërore e Shëndetësisë i ka qetësuar të gjithë duke deklaruar se nuk ka asnjë shans që koronavirusi të shfaqet tek ushqimet.
Reagimi vjen pasi autoritetet kineze kanë thënë se kanë gjetur gjurmë të virusit në ushqim dhe paketim të ushqimit.
“Njerëzit nuk duhet të frikësohen nga ushqimi, paketimi i tij, apo dërgesat me porosi”, ka thënë udhëheqësi i Programit të OBSH-së për Emergjenca, Mike Ryan.
“Nuk ka të dhëna se ushqimi apo zinxhiri ushqimor është pjesë e përhapjes së virusit. Njerëzit duhet të jenë rehat dhe të sigurt”, ka shtuar ai.
Ndërkaq, situata me koronavirusin mbetet kritike në thuajse gjithë botën.
/a.r
