Drejtori i Zyrës për Kosovën në Qeverinë e Serbisë Marko Gjuriç, pas formimit të Komisionit Qeveritar të Kosovës për Trepçën ka thënë: “Kur bëhet fjalë për vendimin e Qeverisë krahinore për Trepçën, do të përkujtoja se aty po flitet për diçka që nuk ka lidhje thelbësore me pasurinë e ndokujt pos të kreditorëve të Trepçës, që janë firma në pronësi të Republikës së Serbisë dhe të Qeverisë, përkatësisht të shtetit të Serbisë, e cila është pronarja më e madhe e Trepçës”, citon Tanjug të ketë thënë Gjuriç, transmeton Koha.net duke shtuar se adresa e saktë për bisedime për Trepçën është Beogradi.
“Dhe jo vetëm kjo. Ne kërkojmë që çështjet kontestuese për pasurinë të zgjidhjen. Sikur të na kthehej gjithë ajo që na është rrëmbyer nga pasuria, ku bëhet fjalë për subjekte ekonomike në Kosovë, populli ynë nuk do të kishte kurrfarë problemesh financiare dhe nuk do të kishte nevojë për shumë para me të cilat Serbia, me solidaritetin e vet, kontribuon që populli ynë të mbijetojë”, ka thënë ai.
