Shqipëria është gati që të kërkojë nga KE çeljen e negociatave për anëtarësimin në Bashkimin Europian. Këtë e ka thënë për “News24” ministrja e Integrimit Klajda Gjosha. Vendi ynë ka dorëzuar sot kontributin në procesin e integrimit, ndërsa në vjeshtë pritet edhe raporti i KE-së.
Ministrja Gjosha tha se dy arritjet kryesore në raport janë miratimi i reformës në Drejtësi dhe ligji i Vettingut.
“Shqipëria gati të kërkojë nga KE çeljen e negociatave. Çelja e negociatave pas miratimit të ligjit për “Vettingun”. Reforma në Drejtësi dhe “Vettingu” janë dy arritjet në raport”, tha ministrja Klajda Gjosha./a.m.
