Ministrja e Drejtësisë, Etilda Gjonaj në një intervistë për gazetarin Arsen Rusta, ka folur për hartën e re gjyqësore dhe për përplasjen që ka pasur KLGJ me ministrinë e Drejtësisë. Ajo vë theksin se duhet të ketë një bashkëpunim shumë të mirë mes institucioneve. KLGJ kërkon që nga 34 gjykata që janë aktualisht të ngelen 15, dhe vetëm një Gjykatë Apeli në Tiranë.
“Kemi pasur bashkëpunim të frytshëm me të gjitha institucionet e reja të drejtësisë dhe nuk besoj se është cështje pingpongu harta gjyqësore por është zgjidhja që mund t’i jepet me konstruktivitet. Fakti që ligji përcaktoj që ministria dhe KLD vendosin hartën e re gjyqësore dhe më pas ministri i drejtësisë e propozin inciia do të thotë se duhet të ketë bashkëpunim. Kam pritur që KLGJ ta shohë në mënyrë më të ha[ur hartën e re gjyqësore, se nuk është vetëm çështje teknike, për plotësimin e vakancave në sistemin e drejtësisë, por edhe me disa element të tjerë me transparencë, llogaridhënie, bashkërisht do duhet ta zgjidhim në këtë kuadër duke respektuar aksesin e qytetarëve në organet e drejtësisë. Ministria e Drejtësisë ka çuar pikëpamjet dhe variantin e saj sa i përket këtij propozimi. 3 janë çështjet kryesore që kemi parë si problematik. shkurtimi i numrave të gjykatave, konsistimi i propozimit vetëm në një gjykatë apeli dhe funksioni i gjykatave në degëve”, tha Gjonaj.
Duke marrë shkas nga rihapja e procesit të kandidimit për të gjithë gjyqtarët nga Gjykata e Lartë për vendet vakante në Gjykatën Kushtetuese, ministrja e Drejtësisë Etilda Gjonaj i bën thirrje të gjithë gjyqtarëve që të aplikojnë pasi sipas saj është koha për të bërë diçka të mirë për vendin.
“Duke e mbajtur në konsideratë që afati i kandidimit sapo ka rifilluar besoj se do të kemi kandidaturat në fatin 30 ditor. Gjithkush e ka kuptuar tashmë se nëse përfshihet në sistemin e re të drejtësisë do të ketë mundësinë ta bëjë punën e tij pa ndërhyrje. Gjej rastin t’i bëj thirrje të gjithë që ky është momenti për të bërë diçka për vendin”, tha Gjonaj.
g.kosovari
