Sot është zhvilluar seanca gjyqësore në Gjykatën e Lartë ndaj çështjes së fisit Cala me deputetin Armando Prenga.
Ky i fundit nuk ka marrë pjesë në seancën kundër tij, ndërsa janë dëgjuar dëshmitë e pjesëtarëve të fisit Cala.
Gjok Cali shprehet se i qëndron akuzës për deputetin Prenga. Ai rrëfeu konfliktin 1 vit e gjysëm më parë me deputetin.
“Ai na kërcënoi me armë dhe mua më qëlloi me qytën e pistoletës në kokë”.
Por pas deklaratës së Calit ka reaguar Baftjar Rusi, avokati i Prengës që u shpreh se klienti i tij është i pafajshëm.
“Prenga nuk ka plagosur askënd”.
Kurse lidhur me kërkesën e prokurorisë për dekriminalizimin, Rusi theksoi se, “ende nuk jemi njohur zyrtarisht me kërkesën e tyre, por siguroj që Prenga nuk preket nga ky ligj”, shkruan report tv.
Në gjyq u dëgjuan dhe dëshmitë e Dorian Calit, Julian Calit, ndërsa seanca e radhë su shtyp për në datën 13 mars, opra 10:00 për të dëgjuar dëshmitarë të tjerë të fisit Cala.
