Bashkia e Gjirokastrës ka marrë vendimin se do të akordojë 1 milionë e 250 mijë lekë për mobilimin e banesës së Ismail Kadaresë. Pas shpalljes së 2016-s si “Viti Kulturor Ismail Kadare” me rastin e 80-vjetorit të lindjes së shkrimtarit Bashkia e Gjirokastrës po merr vendime të njëpasnjëshme në nderim të tij. Ndërsa pritet aprovimi i vendimit nga këshilli bashkiak për ngritjen e shtatores së Ismail Kadaresë në një nga sheshet kryesore të Gjirokastrës, kthimi i shtëpisë së tij të lindjes në shtëpi muze është bërë fakt. Pritet të bëhet vetëm mobilimi dhe përurimi me rastin e ditëlindjes më 28 janar të këtij viti.
