Një i vdekur dhe një i plagosur është bilanci i një konflikti të ndodhur në fshatin Shtëpëz të Gjirokastrës. Mësohet se i vdekur ka mbetur nipi i gruas së Dasho Alikos, ish-kryetarit të Komunës Lazarat, ndërsa i plagosur ka mbetur vëllai i viktimës.
Viktimë ka mbetur shtetasi Dorjan Lluka ndërsa u plagos rëndë vëllai i tij Birbil LLuka.
Autori i dyshuar i ngjarjes është kushëri me viktimën dhe të plagosurin.
Ngjarja ka ndodhur pas një konflikti mes të rinjve për motive pronësie sipas dyshimeve paraprake. Pasi kanë debatuar mes tyre, djemtë e policit kanë qëlluar me armë, duke lënë 1 të vdekur dhe një të plagosur.
Aktualisht policia po punon për ndalimin e autorëve të dyshuar dhe zbardhjen e plotë të ngjarjes.
Njoftimi i policisë:
Informacion paraprak.
Në lidhje me ngarjen e ndodhur në afërsi të fshatit Shtëpëz, Gjirokastër, ku ka mbetur i vrare me arme zjarri shtëtasi Dorian Çelo Lluka, 29 vjeç, banues në Gjirokastër dhe eshte plagosur Birbil Çelo Lluka, 31 vjeç, banues në Gjirokastër, i cili në këtë moment do të niset, me helikopter për Tiranë rezulton paraprakisht se:
Në vendin e quajtur Kthesa e “Andon Poçit”, Gjirokastër, është gjetur i braktisur, automjeti tip “Benz”, me targa AA 006 IY.
Ne vendngjarje jane sekuestruar gezhoja dhe jane fiksuar njolla gjaku.
Dyshohet se autor i vrasjes dhe plagosjes është shtetasi Enerik Bexhet Lluka, 28 vjeç, ku po punohet për kapjen e tij.
Policia ka mbritur menjehere ne vendngjarje sapo ka marre njoftimin, ku ka bere sigurimin e baneses se autorit te dyshuar, me qellim parandalimin e pershkallezimit te metejshem te ngjarjes si dhe ka bere shoqerimin e disa personave per tu pyetur ne lidhje me rrethanat e ngjarjes.
Grupi hetimor po punon për zbardhjen e plotë të ngjarjes.
Vijon puna per kapjen e autorit te dyshuar te ngjarjes.
