Policia e Gjirokastres ka arrestuar 3 persona të shpallur në kërkim për “Prodhim dhe shitje e lëndëve narkotike dhe dhunë në familje”. Bëhet fjalë për 30 vjeçarin Ledion (Koka) Selimi banues në Memaliaj, 22 vjeçarin Edison Miçi banues në fshatin Kodër, Tepelenë dhe 42 vjeçari Agim Saliaj banues në Cakran të Fierit.Për Ledion (Koka) Selimi ishte dhënë dënimi nga Gjykata e Shkallës së Parë Korçë me 8 vite burg për “Prodhim dhe shitje e lëndëve narkotike”, parashikuar nga neni 283 i Kodit Penal.
22 vjeçari Edison Miçi kishte marrë masën e sigurisë “Arrest në burg”, për “Prodhim dhe shitje e lëndëve narkotike”, parashikuar nga neni 283/2 i Kodit Penal.
Ndërsa 42 vjeçari Agim Saliaj është arrestuar në Kakavijë pasi Prokuroria e Rrethit Gjyqësor Fier i kishte dënuar me 1 (një) vit burg për veprën penale “Dhunë në familje” parashikuar nga neni 130/a-1 i Kodit Penal.
ma.me
