Sikundër mund të shihet nga këto video të siguruara nga “Panorama.al” zjarri ka djegur kurorën e pishave duke rrezikuar banesat. Kujtojmë që pasditen e sotme u shënua edhe viktima e parë nga zjarret në vend.
64-vjeçari Andrea Haxhiaj ndërroi jetë ndërsa mori djegie në trup bashkëshortja e tij, e cila u transportua me urgjencë drejt kryeqytetit. Gjatë betejës me flakët mbeti po ashtu i asfiksuar edhe ushtari Edlir Goxhaj, i cili ndodhet në Spitalin Rajonal të Gjirokastrës, nën kujdesin e mjekëve.
NJOFTIMI I MINISTRISË SË MBROJTJES MBI GJIROKASTRËN
Në bashkinë Gjirokastër zjarri ka marrë përmasa të mëdha, duke rrezikuar fshatin Krinë, Asim Zeneli dhe Arshi Lengo. Është raportuar një humbe jete dhe një e plagosur. Puna në terren vijon me të gjitha kapacitetet e qarkut Gjirokastër (MZSH Gjirokastër, Dropull, Tepelenë, Libohovë, Përmet), bashkia Sarandë dhe mjete të FA. Po punojnë forca zjarrfikëse, Policia Shtetit, Forca të emergjencave civile, Forca të Armatosura, urgjenca mjekësore me 5 autoambulanca. Po punohet për shuarjen e flakëve edhe nga ajri me helikopterë.
Po ashtu është riaktivizuar vatra në kodrat e fshatit Qesorat, njësia administrative Lunxhëri, bashkia Gjirokastër. Në vengjarje kanë shkuar 6 zjarrfikës. Panorama
