Një i ri është mbytur mesditën sotme në Gjirin e Lalzit rreth orës 12:00. Viktima është 22 vjeç me inicialet E. S. Ai kishte shkuar së bashku me dy të rinj të tjerë nga Tirana në Gjirin e Lalzit për të kaluar fundjavën, ndërsa në momentin që janë futur për t’u larë është zhdukur.
Dy shokët e tij kanë kërkuar ndihmë me shpejtësi te pushuesit e tjerë dhe policia, ndërsa pas kërkimeve është gjetur trupi i tij i pajetë. 22-vjeçari ka lindur në Peshkopi, ndërsa banonte në Tiranë. Viktima e sotme shënon rastin e parë të mbytjes për këtë sezon turistik.
