Një ditë pas miratimit të marrëveshjes që synon menaxhimin e Butrintit nga një fondacion amerikan, Akademia e Shkencave ka shprehur rezerva mbi këtë projekt. Kreu i Akademise Skënder Gjinushi thotë se qeveria nuk është konsultuar më parë dhe ky është një precedent negativ, ndërsa marrëveshja e vë theksin vetëm tek aspekti fianaciar, pa dhënë shpjegime se çfarë do të ndodhë me pasurinë mbi dhe nën tokë në Butrintit. Ajo që ne duam të dimë është cili do të jetë roli I insitucioneve shkencore në sit kulturor, çfarë do të bëjnë arkeologët, a do të vijohet me restaurimet sa para do të vihen në dispozicion për gërmime apo restaurime. Këto përgjigje nuk I jep marrëveshja. – u shpreh Gjinushi.
Për Kreun e Akademisë kjo marrëveshje ka probleme juridike dhe se akademia do të lobojë që insitucionet shkencore të mos anashkalohen në këtë sit kuturor. Përsonalisht mendoj se këtu ka një boshllëk juridik. Ne do të shfrytëzojmë çdo koridor ligjor për të përcaktuar më mirë rolin tonë- vijoi më tej Gjinushi.
Një një takim me arkeologë dhe ekspertë të fushës, ish drejtori i Butrintit Auron Tare ishte edhe më i ashpër në qëndrimin e tij. Tare tha se me pasurinë më të rëndësishme arkeologjike po bëhet biznes dhe denoncoi atë që ai e quajti qeveria e Butrintit. Po të shikoni planin e menaxhimit ai është bërë nga një grup shtetasish anglezë. Asnjë akademik shqiptar, a thua se kanë vdekur. ADF-ja nuk është se do të vijë të bëjë një restorant, pasi ajo s’ka nevojë për të tilla gjëra, por e rëndësishme është që ajo po merr kontrollin e territorit shqiptar dhe ky kontroll po merret nga pesë veta, Carapuli, Mata, një grua që ska lidhje fare me këtë situate si dhe ministrja e kulturës. Kjo është qeveria e Butrintit – u shpreh Tare. Akuza për menaxhimin e parkut të Butrintit nga nje fondacion i huaj bëri edhe opozita, e cila e quajti atë një aferë korruptive./Vizion Plus/
