Brizida Gjikondi, juriste-aktiviste, mendon se Meta nuk ka më se çfarë të japë dhe se ndonëse është më i riu, në shumë drejtime, është më i vjetëruar se të gjithë.
Në emisionin ‘3D’ në RTSH, Gjikondi shprehet se Meta tashmë është në pozicion në vetëmbrojtje dhe se është për të ardhur keq që diskutohet për një politikan të tillë si Meta, që nuk duhet të kenë dy dosje, por të kenë 200 mijë dosje, në raport me dëmin që i kanë sjell vendit.
“Më vjen keq që ajo quhet Partie e Lirisë, por ai është biznesi Metës. Edhe këshilltarët që Meta mori në zgjedhjet lokale janë pragmatistë. Ata mund të mbështesin kryetarin e bashkisë në bashkitë ku ata ushtrojnë detyrën”, tha Gjikondi.
Sipas saj, Meta ka probleme me SPAK dhe se është për të ardhur keq që nuk ka ende një akuzë nga mazhoranca për Metën, sepse ata kanë ndarë pushtet së bashku.
“Metës i mbaroi epoka në politikën shqiptare, por edhe atë largimin e tij e shoh si pragmatizëm për të marr ose për të dhënë garanci nga miqtë e tij që ka larg.”, tha Gjikondi.
/a.r
