Kryediplomatja e BE ka vlerësuar rrugëtimin e Shqipërisë drejt Bashkimit Evropian. Këtë të martë Kaja Kallas vizitoi për herë të parë Tiranën, ku edhe u prit nga kryeministri Edi Rama.
Gjatë takimit të zhvilluar ditën e sotme dhe në konferencën e mbajtur, Kallas u ndal tek reformat e integrimit me në krye të sundimit të ligjit.
Jurista Brizida Gjikondi, komentoi vizitën e përfaqësues së Lartë të Bashkimit Europian për Politikë të Jashtme dhe Sigurisë, në Tiranës, duke analizuar edhe deklaratat e kësaj të fundit. Në një intervistë në “Tirana Live” në ABC News, juristja Gjikondi tha se drejtësia e re është edhe pika e fortë e Shqipërisë në rrugën drejt BE.
“Unë e ndoqa vizitën e saj sot dhe deklaratat e zonjës Kallas. Dhe pika e saj më e fortë për integrimin e Shqipërisë në BE, ka qenë reforma në drejtësi. Ajo nënvizoi faktin që do ishte mirë që shteti të krijojë mundësinë që drejtësia të jetë e pavarur”, tha ndër të tjera Gjikondi.
